Türk qırıcıları 13 PKK terrorçusunu məhv etdi – İraqın şimalında
Türkiyə Silahlı Qüvvələrinin İraqın şimalında apardığı hərbi əməliyyatlar nəticəsində 13 PKK terrorçusu məhv edilib.
Bu barədə Türkiyə Hərbi Qüvvələrinin baş qərargahı məlumat yayıb. Məlumatda bildirilir ki, mayın 28-də səhər saatlarında İraqın şimalındakı Avaşin-Basyan rayonunda Türkiyə Hərbi Hava Qüvvələri PKK-nın obyektlərinə zərbələr endirib. Nəticədə 9 obyekt məhv edilib, 13 terrorçu öldürülüb.
Həmçinin bildirilir ki, dünən Türkiyənin Van əyalətində də hərbi hava əməliyyatları nəticəsində 10 PKK terrorçusu zərərsizləşdirilib.
